MALI BA SI RIZAL NUNG SINABI NIYANG KABATAAN ANG PAG-ASA NG BAYAN?

credits to: https://steemit.com/poetry/@tinkerrose/tula-poetry-13-kabataan-kayo-ay-pag-asa-pag-gunita-ngayong-hunyo-dose

Ang kabataan ang pag-asa ng bayan. Ang kabataan ang magpapaunlad sa susunod na henerasyon. Ang kabataan ang mag-aangat sa Pilipinas. Pag-asa pa nga ba tayo ng bayan? Kaya nga ba natin mapaunlad ang  susunod na henerasyon? Mapapa-angat nga ba natin ang pilipinas o tayo pa ang magpapa-bagsak dito? Maaaring ang ilan sa inyo ay sasagot ng hindi na. Para sa akin, kung magsisikap tayong mga kabataan maaari pa rin tayong matawag na pag asa ng bayan. Kung babaguhin lamang sana natin ang mga maling kaugalian natin sa panahon ngayon.

Bumalik tayo sa nakaraan. hindi ba't tuwing ika-anim ng gabi ay nasa loob na ng kani-kaniyang bahay ang lahat. Ang pananamit ang kilos ng kabataan ay kagalang galang. "Maria clara" nga kung sila'y ating tawagin. kung gusto naman ng isang binata ang isang dalaga ay hindi niya agad nakukuha ang matamis na oo ng dalaga, Kailangan pa sumuot sa butas ng karayom. Sa ilang programang napapanood natin sa telebisyon, kailangan munang mamanhikan ng lalaki upang masigurong magiging maalwan ang buhay ng kanilang anak sa piling ng lalaki. Ang mga kabataan noon ay masunurin, magalang, walang bisyo at maka-diyos. Ang mga kabataan din noon ay tutok sa kanilang pag-aaral.

Subalit  ngayon, napakadali na lamang para sa lalaki na mapa sagot ang isang babae. Ang ilan nga'y sa text nagkakaligawan at nagkakatuluyan. Maging sa pananamit, karamihan sa mga kadalagahan ngayon ay hindi na iginagalang ng ilang kabataan ang kanilang magulang at hindi na rin sila marunong sumunod. Karamihan din sa kabataan ngayon ay wala ng ibang inatupag kundi mag-dota. Hindi iniisip kung ano ang hirap na dinaranas ng kanilang magulang mapag aral lamang sila. Nakakalungkot man isipin, ngunit ito na ang larawan ng kabataan ngayon.

Tayong mga kabataan lalo na sa mga kababaihang katulad ko, dapat nating tandaan, balikan at muling isabuhay ang mga kaugalian noon. wala man ito sa uso ngayon ngunit maaari natin itong ibalik sa uso. Subalit ano pa man ang mga kabataan noon at ngayon, ang mahalagay hindi natin malimutan ang winika ni Rizal na ang kabataan ang pag asa ng bayan. Mga mahal kong kamag aral, kaklase at kapwa ko kabataan sama sama at tulong tulong nating patunayan na ang kabataan pa rin ang pag asa ng bayan patunayan natin na kaya natin mapaunlad ang susunod na henerasyon. Patunayan natin kaya nating iangat ang pilipinas sa kasalukuyang estado nito. oras na para kumilos dahil ako, ikaw, sila, tayong mga kabataan ang pag-asa ng bayan.